唔使排長龍! 機場全新 Premium Lounge +5張免費入貴賓室 平民信用卡推介

GOtrip編輯部

環亞 Plaza Premium Lounge 在香港國際機場又有新貴賓室開幕,目前只是在試業營運階段,尚未正式營業,仲未有好多人知,趁住人少少唔使排長龍,快啲睇下全新環亞 Plaza Premium Lounge 有咩特別啦!附加貼心 5張免費入lounge 信用卡推介。

text & photo: Cynthia

延伸閱讀:

世外桃源!探索泰國最值得去嘅2個迷人 小島 @Miss Sunny

胡慧沖推介! | 最新 泰國超市 15樣必買零食及居家手信

免排隊!非常近舊 Premium Lounge

全新Plaza Premium Lounge在機場一號客運大樓南面離境層六樓, 鄰近1號登機閘口,從現有Plaza Premium Lounge (East Hall) 行多20步就到(在舊Premium Lounge與國泰航空寰宇堂之間),完成保安、出境檢查後,3分鐘即可抵達,十分方便。

基本上識得去東翼舊lounge,行多20步就到新lounge。
舊lounge門口長期大排長龍。
穿過呢條人龍繼續行,就可到達冇人排隊嘅新lounge。

暫時未被攻佔 環境舒適寬敞

相比起舊lounge,新lounge 明顯較為寬闊,人流亦較少,可以容納約200名旅客。唔想去舊lounge同人迫,不妨考慮行多兩步去新lounge啦!

取餐區走廊較舊lounge闊落,唔會人迫人。
用餐區桌枱較舊lounge多,亦較為寬敞。

暗黑新lounge 更多私人空間

新lounge 24小時服務,內裡有舒適的座位區、商務中心、Wi-Fi 上網、充電插座、電腦工作站、航班資訊顯示系統、淋浴間、私人休息間、專人按摩服務,以及一系列的美食,與舊lounge相若,但就有更多私人空間的座位,可不受其他旅客打擾在此工作或休息。

較高私隱度的休息位置,換上全新梳化位,自成一「角」。
休息、閱讀區環境同樣走暗黑風格。
工作枱光度充足。
枱上有插蘇位,方便用手提電腦。

3間淋浴室 免費可以用

貴賓室內設有3個淋浴間,免費可以使用。不過要即場登記排隊,記者朝早8點入到lounge,登記已排到10點,記得預留充足時間!如果飛長途,沖個涼先上機會舒服好多。

淋浴間在洗手間旁邊。
淋浴室有3間,記者到場時都有人使用中。

早餐有魚蛋河 食物選擇多

新lounge的同樣是自助形式,在不同時段提供各款中西式早餐、沙律吧、精選餐湯或湯麵、輕食及甜品等等,仲會有大家最愛的魚蛋魚片頭湯河!留意!魚蛋河只在每日7-9:00am 供應!

魚蛋粉麵繼續由專人炮製。
記得加XO醬!
麵包、cereals、曲奇選擇更多,自助吧亦更大更闊。
自取食物區一樣有腸粉、炒蛋、腸仔等早餐。
白粥任裝~
口淡淡可以食白粥。
沙律任揀~
除咗魚蛋粉,仲有多款包點。
小吃類有燒賣!加埋腸粉都好豐富!
仲有奶皇包!
時間充裕,絕對可以吃個早晨全餐!

最可惜冇咗樽裝水

不過新的Plaza Premium Lounge,冇咗大家最愛的樽裝水,取而代之的是自助飲水機,旅客可以自備空瓶添加冷熱水,但雪櫃入面的飲品依舊有多款選擇。

雪櫃冇咗樽裝水!哎吔!
取而代之是自助熱水機,可裝熱水或凍水。
果汁類也是自助。
咖啡、茶有兩部機!

留意!東翼舊貴賓室 即將關閉

至於原有東翼的Plaza Premium Lounge,將於今年稍後時間關閉裝修,以推出其他餐飲服務。想keep住update新貴賓室的資料,可以留意官網!

東翼的Plaza Premium Lounge將於今年稍後時間關閉裝修。
位於西翼(坐完無人駕駛後的位置)另有一個Plaza Premium Lounge。
XO醬加魚蛋河,是上飛機前的comfort food!

網址:www.plaza-network.com

免費入lounge 5張平民信用卡

大家最想知的,當然是如何可以免費入到新lounge啦!不少信用卡都可以入lounge,門檻最低(申請要求年薪$300,000以下)的包括以下5張:CX美國運通信用卡(銀卡、綠卡)、滙豐銀聯雙幣鑽石信用卡、交通銀行白金Visa卡、上海商業銀行銀聯雙幣鑽石信用卡,另外申請要求較高的例如花旗PremierMiles Card、中銀Visa Infinite卡等等亦可免費入Lounge,只要出示登機證及信用卡,就可以免費入去喇!

信用卡 使用貴賓室條件
美國運通國泰航空信用卡 一年內可免費使用2次
美國運通國泰航空尊尚信用卡 無限次使用(可另申請Priority Pass會籍,於會籍年度內免費享用4次)
HSBC銀聯雙幣鑽石信用卡 一年內可免費使用3次(必須使用日前1-30天網上預約,名額100)
網址:www.unionpaypremium.com.hk/loungebooking
上海商業銀行銀聯雙幣鑽石信用卡
交通銀行白金VISA卡 全年簽賬滿指定金額,可免費使用3-8次

但要注意的是,每張信用卡都有入lounge的配額,就算同樣是環亞貴賓室,入咗一個lounge就會扣掉一次服務限額,而交通銀行雙幣鑽石卡同滙豐銀聯雙幣鑽石信用卡,一日最多只可以入lounge一次,記得揀實一個lounge入啦!

如果沒有以上信用卡,兩小時 Plaza Premium Lounge的服務需要 US$75/HK$584。

下一頁:不用信用卡但想入 機場貴賓室 | 教你如何獲得高級會員資格

相關文章:小斯教路 | 信用卡優惠!17 年 Check-in 後必做的二三事

相關文章:飛行里數 新手懶人包 | 我該如何儲飛行里數?

Asiamiles_flyasia

相關文章:專業地買平機票! Google ITA 的使用教學

google_ita_flyasia

延伸閱讀:

20款 薯片卡路里 逐款睇! | 營養師推介+選購貼士