6個你應該同女人講大話的問題

雖然老生常談都會話兩個人嘅感情中最重要係坦誠相處,但有幾種情況你講真話只會令事情更差!有時候,喺小細節上講吓善意嘅謊言,會令你自己同對方都舒服好多,減少好多不必要嘅痛苦。但注意嘅係如果喺大件事上你都選擇講大話,咁就真係……幫你唔到喇。

1. 如果我病咗你會唔會照顧我?

唔開心嘅時候,有啲人會習慣封閉自己嘅內心,但其實佢哋心底都好想有人會幫佢按摩、送一碗熱湯,或畀佢一個緊緊嘅擁抱。雖然照顧一個人會好麻煩,除非你真係好唔想做(到底你愛唔愛佢呢?),但如果你肯應承無論點都照顧佢、呵護佢,對方一定會好感動。

2. 我喺你面前喊會唔會令你唔舒服?

同男人唔同,大多數女人都係情緒化嘅動物,而且好鍾意同人分享自己嘅感受,尤其係對住最親密嘅人。除非女友每日都歇斯底里咁,如果唔係你都應該陪喺佢身邊,唔好一見到佢喊就唔知點算好、想掉頭走。你唔需要買幾打玫瑰或者咩名貴嘅禮物,只需畀佢一個溫暖嘅擁抱同願意聽佢呻,就足以令對方融化。

3. 你覺得我使唔使每日化妝?

無一個女仔會希望聽到人哋覺得自己要靠化妝先靚,係絕對無!呢條問題唔係畀你踩佢邊度唔夠靚嘅機會,相反你要令佢覺得佢自然舒服就已經好靚,無論淡妝、濃妝、甚至唔化妝,你都一樣愛佢。

4. 你覺得我個好朋友/家姐正唔正?

呢個問題好重要,當女朋友問到嘅時候千奇要小心!就算覺得佢哋真係樣靚身材正都好,都一定唔好答係啊!記住女人幾時都想喺你心目中成為第一同唯一。

5. 你鍾唔鍾意同我屋企人一齊?

如果你女朋友同屋企關係好好,意味住你都需要同佢哋親近一啲。親近多啲唔代表係每星期都見一次,而係當出席家庭聚會時唔好自己坐埋一邊,試吓投入啲同佢哋相處。就算你唔鍾意佢哋都好,記住女友同佢屋企人係一個package嚟,你愛佢就要錫埋佢屋企人,唔好令對方變磨心啊!

6. 我近排肥咗,你覺得應唔應該唔食嘢減返?

好簡單,就係答唔應該、唔應該,同唔應該。即使女友真係肥咗,你又真係想佢減都好,你都唔可以表現出嚟啊!因為女人會因為你一個答案而諗足一個月!

(圖片來源:shutterstock、tumblr)

【原文連結】

6個你應該同女人講大話的問題

【推介文章】

15樣不敢跟未來老公說想要的事情

別走漏眼!與肥仔拍拖的5大好處