【有片】日本YouTuber玩大咗 渋谷馬路瞓大床警方介入

Reika

YouTuber經常拍攝具爭議性嘅影片,就算係出名守規矩嘅日本都一樣。最近日本YouTuber頻道「ジョーブログ」嘅片就俾人狂鬧,YouTuber Joe同佢3個朋友喺渋谷最旺嘅十字路口做Crazy Challenge,綠燈時成張床托出去馬路,瞓一陣之後趁轉紅燈前,火速將張床搬返去路邊,點知其中一個人托唔穩失重心,將呀Joe成個人跌咗落張床‥‥‥段片而家喺YouTube有過百萬views,但就有極多負評,大家鬧佢唔用腦好危險,又會影響到其他道路使用者,而東京都警方都已經介入研究緊件事,佢哋有可能觸犯咗當地法律,都係嗰句,玩還玩要用吓腦。入嚟有得睇返段片。

想即時睇到更多日本文化、ACG、網絡最新資訊,請即加入facebook!