有數計:戀愛中 年輕男人付出遠低於女人

成日話,愛情永遠都唔係公平同對等,千萬唔好期望有付出對收入成正比。好多女士都會話,為男人付出幾多幾多,但都得唔到回報。原來唔係電影電視嘅劇情,而係真係有數得計架。

英國牛津大學研究德國500多對老年夫婦,平均年齡為69歲。結果發現,男人年輕時對伴侶嘅投入程度、照顧質素、付出都係比女人少!呢種付出嘅程度一直要去到老咗之後,男人先可以同女人同分。研究指,男人年輕時多數將重心放喺工作之上,往往未能全心全意咁照顧伴侶;相反女人多數以男人作為重心。男士們,呢個世界唔係所有女人都可以等到老㗎,錯失太易,愛需要及時!