五大女生愛到不能自拔的表現 天然呆男友們請注意!

生活

女友間唔中扭下計,男士們大部份都會覺得很麻煩,最好自己女朋友聽聽話話就是愛你的標準表現。不過,對住呢班感性的動物,最好便是指個角度,欣賞她們的一舉一動。若然你身邊的她在日常生活中,展現了以下的五大女生愛到不能自拔的表現,恭喜你。你的女友真的非常愛你,好好珍惜啊手足!

撰文:酒啊九叔 |圖片:電影劇照

延伸閱讀:

【港姐2018】胸猛、長腿晒腹肌!20強候選佳麗首次換上性感泳裝見傳媒

(有片)《延禧攻略》爆笑NG片曝光!佘詩曼雙語讀對白,一招K.O內地演員!

五大女生愛到不能自拔的表現 天然呆男友們請注意!

1. 成日扮細路女

有邊個女仔唔想俾人錫,唔想俾人寵。熱戀中的你,總會看到她孩子氣的一面。其它女仔的這一面,你會稱為唔成熟;但眼前女朋友細路女的一面定必是她最可愛的一面。伴隨著細路女的形容詞通常都是痴身、嬌嗲、扭計等。就請各位手足容忍一下吧,她只會在你面前放下所有架子,專心做個小朋友。

女生表現

 

2. 亂諗嘢搏你氹

女生除了是種感性的動物,亦同樣是種不斷質疑自己的生物。她們的習性都係透過日常生活中的小事,扭下計發洩下情緒而獲取雄性伴侶動物(下稱:啫係你)的關懷。其實無他,女生們都係希望各位手足當下佢係寶,當一陣就夠千奇唔好寵。不過其實只要你肯氹,佢哋個心就軟㗎啦。

女生表現

3. 你嬲個陣嬲過你

不論你嬲個個對象係第三者定係女朋友本尊,「你嬲個陣嬲過你」呢句説話都係成立嘅。首先,女生們的佔有慾以及保護慾從來不比男生弱,邊個激嬲你,佢哋可以用十倍毒舌去幫你岀言聲討,總知就無人可以恰佢哋個Lover Boy。咁當然啦,如果你嬲個個係佢…你明㗎啦。

4. 唔捨得洗你錢

當大家都有小小經濟基礎,作為男朋友,有時都希望買下禮貌氹氹女朋友。佢肯著你嘅衫,用你送嘅袋,你又有face屎。正當你以為女朋友對禮物是零抵抗力的時候,她們其實不太想收。不是因為不喜歡,只是她們更會為你的未來著想,為你慳多幾個錢。

5. 最鐘意都係同你傾下計

其實兩個人在一起,只要相處得舒舒服服,那便是最好的時光。就算只是兩口子傾傾計,也會是她最享受的環節。幸福的感覺不是源自任何驚喜和物質,就是簡單的相處也就足夠。

延伸閱讀:

最早步入教堂是牡羊座!12星座適婚年齡大公開